Follow Us

*KYQU SHQIP ENGLISH
*staurday, 26.09.2020 11:35

​Ylli gjigant po venitet

Prishtinë | 14/01/2020 23:42

Ylli gjigant Betelgjëza, një nga më të ndritshmit në Rrugën e Qumështit, prej disa javësh ka filluar të venitet, një ngjarje kjo që i ka ngazëllyer astronomët, sepse mund të njoftojë shpërthimin e tij në një supernova, dukuri jashtëzakonisht e rrallë në galaktikën tonë.

Me vendndodhje në yjësinë e Orionit, ky supergjigant i kuq, gati një mijë herë më i madh se Dielli, shkëlqen intensivisht në qiellin e dimrit, ku është i dukshëm me sy të lirë, falë ngjyrës së tij portokalli.

Ylli figuronte në dhjetë yjet më të ndritshme të galaktikës, por që nga mesi i nëntorit shkëlqimi i tij është venitur në mënyrë drastike, me 70 %.

Janë parashtruar shumë hipoteza, mund të bëhet fjalë për një shpërthim gazi e pluhuri, që fsheh rrezatimin, ose për fundin e Betelgjëzës.

Skenari i fundit do të rezultonte në një shpërthimin supernova të yllit, edhe pse me shumë mundësi jo në një të ardhme të afërt.

Loading...
 

Shpërndaje


Artikuj të sponzorizuar

Më shumë nga KosovaPress