Follow Us

*KYQU SHQIP ENGLISH
E Hënë, 06.04.2020 05:30

​Studentët informohen me praktikat e kursimit të energjisë elektrike

Prishtinë | 24/01/2020 18:15

Ekspertët e KEDS/KESCO kanë informuar të premten studentët e Universitetit të Prishtinës, lidhur me alternativat e ndryshme të kursimit të energjisë elektrike.

Kjo u bë në kuadër të diskutimit të hapur të organizuanar nga KEDS/KESCO dhe Venture UP, si pjesë e aktivitetit “Big Energy Saving Week”. 

Siç njofton KEDS, inxhinieret Drenusha Gashi dhe Marjeta Dobra, të cilat fillimisht ishin studente të KEDS Akademisë, treguan hapat që duhet ndërmarrë secili nga ne për të kursyer energjinë. “Kursimi fillon qysh në blerjen e pajisjeve elektrike. Blini ato me shenjat A++. Kur t’i instaloni, ndalni komplet nëse nuk jeni duke i shfrytëzuar. Edhe ndalja e dritave që nuk ju nevojiten është kursim dhe i domosdoshëm”, i kanë porositur ato studentët.

Inxhinierët e KEDS-it kanë folur edhe për energjinë elektrike të ripërtëritshme. Kurse studentët janë ndarë të kënaqur nga ky aktivitet. 

“Aktiviteti i sotëm më mundësoi të marrë njohuri të reja mbi mundësitë e kursimit të energjisë elektrike. E kursimi i energjisë elektrike është element i rëndësishëm në parandalimin e ngrohjes globale”, tha Donika Jupaj, studente e Fakultetit të Inxhinierisë Elektrike dhe Kompjuterike, e cila ishte pjesëmarrëse në diskutimin e hapur.

Të njëjtin mendim e ndau edhe Qendrim Veseli nga Prishtina, i cili tha se diskutimi i hapur i organizuar me ekspertë të KEDS ishte mjaft informativ për të, duke theksuar se ky diskutim e ka bërë që të jetë më i kujdesshëm tash e tutje në kursimin e energjisë elektrike. 

#BigEnergySavingWeek, është java e kursimit që i dedikohet mundësive dhe mënyrave të kursimit të energjisë elektrike. Pikërisht në këtë javë KESCO dhe KEDS kanë vendosur që të informojnë dhe edukojnë konsumatorët përmes aktiviteteve të ndryshme dhe rrjeteve sociale.

Loading...
 

Shpërndaje


Artikuj të sponzorizuar

Më shumë nga KosovaPress