Drenasi përfiton grant për mjedis të pastër mbi 170 mijë euro

Pas përfundimit të raundit të parë të vlerësimit të performancës së komunave në kuadër të Grantit të Performancës - Mjedis i Pastër, i lansuar nga Ministria e Mjedisit dhe Planifikimit Hapësinor (MMPH), Komiteti i grantit të performancës ka radhitur Komunën e Drenasit në vendin e tretë me gjithsej 82 pikë dhe me këtë rast ka ndarë grantin në vlerë 171.615 euro.

Vlerësimi është bazuar në tre kritere të qasjes për tre indikatorë të qeverisjes së mirë, si dhe për tetë indikatorë të menaxhimit të mbeturinave.

Granti i Performancës – Mjedis i Pastër u lansua në shkurt të këtij viti dhe mbështetet nga “Deutsche Gesellschaft für Internationale Zusammenarbeit”, (GIZ) GmbH, me mandat nga Ministria për Zhvillim dhe Bashkëpunim Ekonomik të Federatës Gjermane (BMZ).

Komuna e Drenasit gjatë këtij viti ka fituar të gjitha grantet e ndara nga ministritë e ndryshme në Qeverinë e Kosovës dhe organizatave të ndryshme ndërkombëtare.

Kjo web faqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.

Të gjitha të drejtat e rezervuara nga A.P.L. KosovaPress - COPYRIGHT
2002-2019

Shpërndaje

Artikuj të sponzorizuar