Ferizajt do të përkrahë në jubileun e 50-të Shoqatën e Gjeodetëve të Kosovës

Kryetari i Komunës së Ferizajt, Agim Aliu bashkë me drejtorin e Pronës, Gjeodezisë dhe Kadastrës, Sabri Murseli, pritën në takim, drejtues të Shoqatës së Gjeodetëve të Kosovës, mekanizëm ky që këtë vit shënon jubileun e 50-të, duke i dhënë vendit kuadrot profesionale e punën cilësore pranë organeve të administratës shtetërore e në ato private.

Jubileu i 50-të ishte arsyeja e këtij takimi, ku Shoqata e Gjeodetëve të Kosovës, bashkë me Këshillin Iniciues Organizativ për shënimin e këtij jubileu dhe Agjencinë Kadastrale të Kosovës parashtruan kërkesën për mbështetje nga Komuna e Ferizajt, në vargun e institucioneve që mbështesin këtë nismë.

Kryetari Aliu tha se ky profesion paraqet një nga levat kryesore të shërbimit komunal për qytetarët, me ç'rast edhe u zotua për mbështetjen në mundësitë e kompetencat e qeverisjes lokale.

Mysafirët bënë një elaborim të gjerë të punës prej pesë dekadave të gjeodetëve anembanë vendit, me ç'rast thanë se vullnetin e gatishmërinë, mikpritjen e profesionalizmin e kreut të Komunës së Ferizajt e mirëpresin edhe në iniciativa të tjera.

Kjo web faqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.

Të gjitha të drejtat e rezervuara nga A.P.L. KosovaPress - COPYRIGHT
2002-2019

Shpërndaje

Artikuj të sponzorizuar