Follow Us

*KYQU SHQIP ENGLISH
E Hënë, 06.02.2023 04:56

Ketu publikohen komunikatat dhe njoftimet. Kosovapress nuk merr pergjegjesi per permbajtjen e tyre. Nese deshironi te publikoni, kontaktoni ne [email protected] apo ne nr. Tel. +377 (0) 45 723 045

​Guvernatori Mehmeti priti në takim kryetarin e Odës Ekonomike të Kosovës

Prishtinë | 24/09/2019 16:03

Guvernatori i Bankës Qendrore të Republikës së Kosovës, Fehmi Mehmeti, ka pritur në takim kryetarin e Odës Ekonomike të Kosovës, Berat Rukiqi, me të cilin diskutuan mbi zhvillimet në sistemin financiar dhe në ekonominë e vendit në përgjithësi.

Në takim po ashtu u potencuan zhvillimet pozitive viteve të fundit për lehtësimin e qasjes në financa për bizneset dhe njëherësh u theksuan sfidat që pengojnë një kontribut më të madh të sistemit financiar në mbështetje të rritjes dhe përmirësimit të kushteve të financimit  për bizneset.

Duke pasur parasysh se qasja në financa paraqet një fushë mjaft komplekse, e cila ndikohet nga faktorë të shumtë, të cilët nuk mund të kufizohen vetëm në bankat dhe bizneset, udhëheqësit e të dy institucioneve u pajtuan që të iniciojnë një komunikim dhe bashkëpunim më gjithëpërfshirës ndërinstitucional lidhur sfidat me të cilat po ballafaqohen bankat dhe bizneset.

Bashkërendimi i aktiviteteve ndërmjet të gjitha institucioneve relevante është i domosdoshëm për të siguruar një ambient afarist, i cili mbështet një ndërmjetësim financiar më të madh, të qëndrueshëm dhe me kushte më të favorshme për të gjithë huamarrësit, thuhet në komunikatë.

Loading...
 

Shpërndaje


Artikuj të sponzorizuar

Më shumë nga KosovaPress