Follow Us

*KYQU SHQIP ENGLISH
E Martë, 07.07.2020 11:55

Ketu publikohen komunikatat dhe njoftimet. Kosovapress nuk merr pergjegjesi per permbajtjen e tyre. Nese deshironi te publikoni, kontaktoni ne [email protected] apo ne nr. Tel. +377 (0) 45 723 045

​Kreu i FSK-së uron qytetarët me rastin e Vitit të Ri: Kosova të festojë në paqe

Prishtinë | 26/12/2019 13:59

Me rastin e festës së Vitit të Ri 2020, komandanti i Forcës së Sigurisë së Kosovës, gjenerallejtënant Rrahman Rama ka uruar të gjithë ushtarët, nënoficerët, oficerët, stafin civil dhe gjithë qytetarët e Kosovës, që të festojnë në paqe, harmoni dhe prosperitet festat e fundvitit.

Ai ka thënë se FSK si ushtri synon ngritjen dhe ofrimin e sigurisë dhe mirëqenies për fëmijët tanë.

“Ne ushtarët e FSK-së, garantuesit e sigurisë dhe mbrojtjes së Kosovës, në përmbyllje të vitit të parë të tranzicionit, dëshirojmë të urojmë që Kosova, atdheu ynë dhe qytetarët të festojnë në paqe, harmoni dhe prosperitet festat e fundvitit.  Në radhët tona këtë vit kemi një numër të ushtarëve të rinj që u janë bashkuar FSK-së për të shërbyer me nder dhe dinjitet, andaj uroj që ky vit, të jetë një fillim i mbarë në detyrat  e shenjta që kemi marr mbi supe”, u shpreh kreu i FSK-së.  

Për më tepër, gjenerallejtënant Rrahman Rama ka thënë se ushtarakët e FSK-së nga komunitetet jo shumicë janë vlera të shtuara për Forcën dhe se të gjithë së bashku përbëjnë suksesin.

“Duke iu dërguar mesazhet dhe urimet më të mira për të gjithë ju, kërkoj që respekti, dinjiteti dhe barazia të jenë vlerat që e karakterizojnë FSK-në”, ka porositur ai.

Loading...
 

Shpërndaje


Artikuj të sponzorizuar

Më shumë nga KosovaPress