Kryesuesi Hyseni vlerëson mbështetjen amerikane për sistemin prokurorial

Kryesuesi i Këshillit Prokurorial të Kosovës (KPK), Bahri Hyseni, ka pritur në takim drejtorin e ri të Byros ndërkombëtare për narkotik dhe sundim të ligjit në kuadër të Ambasadës Amerikane në Kosovë, Shawn Waddoups, të cilin e ka njoftuar për rolin dhe objektivat e Këshillit Prokurorial të Kosovës.

Po ashtu, kryesuesi Hyseni ka folur për të arriturat, sfidat dhe synimet e KPK-së, ndërsa ka vlerësuar mbështetjen e Ambasadës amerikane të dhënë përmes programeve të ndryshme për sistemin prokurorial të Kosovës.

Drejtori Waddoups gjatë këtij takimi ka shprehur gatishmërinë e Byrosë ndërkombëtare për narkotik dhe sundim të ligjit për vazhdimin e mbështetjes për sistemin prokurorial të Kosovës.

Të dy bashkëbiseduesit u pajtuan për të vazhduar dhe thelluar bashkëpunimin me qëllim të luftimit të krimit të organizuar, korrupsionit dhe dukurive tjera kundërligjore.

Gjithashtu, ata shtuan se qëllim i bashkëpunimit të tyre është krijimi i një ambienti sa më të sigurt për qytetarët.

Kjo web faqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.

Të gjitha të drejtat e rezervuara nga A.P.L. KosovaPress - COPYRIGHT
2002-2019

Shpërndaje

Artikuj të sponzorizuar