Turqia do të vazhdojë mbështetjen për Kosovën

Zëvendësministri në detyrë i Mbrojtjes, Burim Ramadani, ka pritur sot në takim ambasadorin e Turqisë në Kosovë Çağrı Sakar, me të cilin ka biseduar për zhvillimet e përgjithshme aktuale në vend dhe raportet mes dy shteteve partnere.

Me këtë rast, zëvendësministri Ramadani tha se në zhvillimin e përgjithshëm në Kosovë, sikurse edhe në rrugën tonë veri-atlantike, mbështetja e Turqisë është e rëndësishme.

“Kosova është e përkushtuar në zhvillimin e gjithmbarshëm, avancimin e rrugës së saj drejt integrimeve në NATO-s dhe prosperitetin e të gjithë qytetarëve të saj pa dallime”, tha ai.

Ndërsa, ambasadori turk në Kosovë Çağrı Sakar vlerësoi bashkëpunimin me Kosovën në fusha të ndryshme, duke theksuar vazhdimin e mbështetjes për vendin tonë nga ana e Turqisë.

Kjo web faqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.

Të gjitha të drejtat e rezervuara nga A.P.L. KosovaPress - COPYRIGHT
2002-2019

Shpërndaje

Artikuj të sponzorizuar