Follow Us

*KYQU SHQIP ENGLISH
E Hënë, 06.02.2023 04:01

Ketu publikohen komunikatat dhe njoftimet. Kosovapress nuk merr pergjegjesi per permbajtjen e tyre. Nese deshironi te publikoni, kontaktoni ne [email protected] apo ne nr. Tel. +377 (0) 45 723 045

​U vu gurthemeli i sheshit kolonel Ahmet Krasniqi në Vushtrri

Vushtrri | 21/09/2019 13:01

Me një ceremoni zyrtare të organizuar nga Komuna e Vushtrrisë, sot është vënë gurthemeli i sheshit kolonel Ahmet Krasniqi, në hapësirën para objektit të Komunës së Vushtrrisë.

Kryetari i Komunës së Vushtrrisë Xhafer Tahiri ka theksuar se krahas sheshit, brenda këtij viti ose edhe në përvjetorin e pavarësisë me 17 shkurt të vitit të ardhshëm, shpreson të përurohet edhe shtatorja e Krasniqit.

“Krahas shtatores së komandantit Adem Jashari, dhe sheshit ‘Hasan Prishtina’, mozaikut të personaliteteve që dhanë gjithçka për lirinë e vendit në qytetin e Vushtrrisë po i shtohet edhe sheshi dhe shtatorja e atdhetarit Ahmet Krasniqi”, ka thënë Tahiri me rastin e vënies së gurthemelit të këtij sheshi. 

Përveç qytetarëve vushtrrias, familjarëve e bashkëluftëtarëve të Ahmet Krasniqit, në këtë ceremoni kanë marrë pjesë edhe përfaqësues politikë dhe institucionalë të Komunës së Vushtrrisë.

Ndryshe, ceremonia është zhvilluar me rastin e 21 vjetorit të vrasjes së Ahmet Krasniqit.


Loading...
 

Shpërndaje


Artikuj të sponzorizuar

Më shumë nga KosovaPress