Follow Us

*KYQU SHQIP ENGLISH
E Mërkurë, 18.05.2022 06:19

    ​BE përkrahë Kosovën në ngritjen e cilësisë së arsimit

    Mitrovicë | 07/05/2018 16:51

    Shefja e Zyrës së Bashkimit Evropian në Kosovë, Nataliya Apostolova, për nder të Ditës së Evropës, ka lansuar sot fushatën për arsimin cilësor para studentëve të Kolegjit IBCM në Mitrovicë.

    Në këtë takim me studentët, u tha mes tjerash, se BE-ja përkrahë Kosovën në përmirësimin e cilësisë së arsimit, nga planifikimi strategjik, infrastruktura, teknologjia, trajnimi i mësimdhënësve dhe administrate, bursat në universitetet evropiane dhe pjesëmarrja në programe të avancuara.

    Apostolova tha se pa kulturë evropianët po rrezikojnë të fshijnë shumë të përbashkëta dhe histori të ndryshme në shumë vende.

    Sipas studimit të ndërgjegjësimit evropian të zhvilluar në Kosovë në vitin 2017, për qytetarët e Kosovës, arsimi është përparësia e tretë, në lidhje me programet e Bashkimit Evropian të themeluara në Kosovë.

    Shefja e Zyrës së BE-së theksoi se problemi në sektorin e arsimit ka ndikim negativ në zhvillimin e përgjithshëm socio-ekonomik të vendit dhe ndikon edhe në zhvillimin e ekonomisë së Kosovës. Sipas saj, transparenca dhe rregullat e qarta në të gjitha nivelet arsimore janë një domosdoshmëri për më të mirët dhe më të zgjuarit që kanë mundësinë për të dhënë kontributin e tyre në Kosovë./KosovaPress/


    Loading...
     

    Shpërndaje


    Artikuj të sponzorizuar

    Më shumë nga KosovaPress