Kasami: Aleanca për Shqiptarët do të qëndrojë në fjalën e dhënë

Pas mbledhjes së Kuvendit Qendror të Lëvizja Besa sonte në Tetovë, kreu i kësaj partie Bilall Kasami tha se si subjekt politik janë në pritje që Aleanca për Shqiptarët të mbaj fjalën dhe të organizojë takimin trepalësh mes ASH-së, Besës dhe Alternativës.

Kasami akuzoi Alternativën dhe Aleancën për Shqiptarët se i janë shmangur komunikimit të drejtpërdrejtë për një marrëveshje të mundshme për bashkëpunim para zgjedhjeve të 12 prillit.

Ai mes tjerash tha se thirrjet për një koalicion trepalësh përmes mediumeve kanë qenë pjesë e taktizimeve dhe lojërave politike.

“Ne presim edhe më tutje që Aleanca për Shqiptarët të qëndroj në fjalën e dhënë që në fillim që të ulen të tre subjektet politike dhe të diskutojnë si të barabartë modalitetet e mundshme të një bashkëpunimi”, tha Kasami.

Në pyetjen nëse Lëvizja Besa shqyrton mundësinë për koalicion me LSDM-në, Kasami tha se në rast të ndonjë oferte, Kuvendi Qendror i Lëvizjes Besa do të vendos për këtë çështje në mënyrë meritore./Alsat/

Kjo web faqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.

Të gjitha të drejtat e rezervuara nga A.P.L. KosovaPress - COPYRIGHT
2002-2019

Shpërndaje

Artikuj të sponzorizuar