Follow Us

*KYQU SHQIP ENGLISH
E Mërkurë, 27.05.2020 03:01
Jakup Krasniqi

​22 Vjet nga sulmi i dytë serb në familjen Jashari

Prishtinë | 22/01/2020 19:41

Shkruar nga: Jakup Krasniqi

(Ngjarje që meriton nderim e përkujtim të përhershëm)

Sulmi i diversantëve serbë më 22 janar 1998 ishte një përballje e madhe në mes forcave të specializuara të Serbisë dhe familjes Jashari. Armiku ketë sulm do ta vlerësoi si disfatë të tij, pasi njësiti më elitar i Serbisë ishin tërhequr me turp dhe ketë turp, ata vështirë që do ta përballonin. 

Kjo ishte hera e dytë, që forcat pushtuese serbe, në përballje me UÇK-në e Adem Legjendarin, po ndaheshin më turp. Për secilin familjar të Jasharëve e pjesëtarë të Ushtrisë Çlirimtare të Kosovës ishte e qartë e sidomos ishte e qartë për Adem Jasharin, se regjimi i Millosheviqit, do të përgatiste sulme të tjera mbi ketë familje të cilën e vlerësonte si bazën kryesore të UÇK-së. Edhe familja Jashari po përgatitej që të mbrohej nga sulmet e armikut barbarë serb. Por, përmasat e këtyre dy përgatitjeve kishin dallime të mëdha e të shumta. Serbia kishte  të angazhuara të gjitha mekanizmat e të gjitha pushteteve, të atij shtetëror, mediatik, akademikë e fetar. 

Ndërsa Familja Jashari, kryesisht po mbështetej mbi fuqinë e familjes dhe të një numri të kufizuar të shokëve pjesëtarë të UÇK-së brenda e jashtë atdheut. Ndërsa politika pacifiste dhe qeveria në egzil nuk po e kryente asnjë obligim në shërbim të luftës  mbrojtëse e çlirimtare. Asokohe kjo ishte ana më e dobët e politikës në Kosovën e pushtuar. Tani më ishte e qartë, nga institucionet pacifiste nuk pritej ndonjë gjë e mirë, në një situatë të tillë të gjitha shpresat ishin koncentruar tek Ushtrinë Çlirimtare e Kosovës dhe drejtuesit e saj, te Lëvizja Kombëtare për Çlirim.  

            Më 22 janar të vitit 1998, Njësiti ushtarak i UÇK-së në Prekaz, e veçanërisht familja Jashari  që mbrojtur më sukses në përballje me diversantët e dërguar nga shteti serb. Komandanti i UÇK-së Adem Jashari dhe Jasharët u mbrojtën më sukses për të dytën herë. Kjo përveç që ishte një fitore e madhe ajo qëndresë po reflektonte shpresë e besim kudo ishin shqiptarët. 

Kjo ishte edhe një dëshmi tjetër e madhe se Ushtria Çlirimtare e Kosovës po bëhej forcë serioze politike dhe ushtarake në mbrojtje të kombit e të vendit. Ngjarjet e tilla patën bërë që: “The Daily Telegraph”, gazeta me prestigjioze Britanisë së Madhe do të shkruaj: “UÇK është e vetmja forcë që lufton për çlirimin e Kosovës”. Koha tregoj se kjo ishte më shumë se saktë! Adem Jashari dhe Ushtria e tij Çlirimtare, me luftë e flijime u bënë arkitektet kryesor e të vetëm të lirisë e të Pavarësisë së Republikës sonë.

Serbia e krimit dhe e gjenocidit nga ky aksioni tinëzar dhe i pabesë kishte nxjerrë një mësim të mirë. Mësim se UÇK-ja po bëhej forcë serioze që po i rrezikonte seriozisht interesat e saja grabitqare e gjenocidare në Kosovë. 

Pasi, rreth kësaj force çlirimtare po rreshtoheshin shqiptarët liridashës brenda e jashtë atdheut. Armiku për të asgjësuar bërthama e saj në Prekaz, Drenicë e Kosovë, nuk do të lente forcë e mjete pa përdorur për nënshtrimin e asgjësimin e saj. Dhe kjo nuk ishte hera e parë që në shekullin XX, serbet pësonin disfatë në Prekaz, në Drenicë e Kosovë. Një disfatë tjetër e madhe po i priste pas një viti!

LAVDI JASHARËVE LEGJENDAR!

LAVDI ADEM LEGJENDARIT!

Loading...

Shpërndaje


Artikuj të sponzorizuar