Italia shpall gjendje emergjente për koronavirusin

Qeveria italiane shpalli sot gjendjen e emergjencës për të përshpejtuar luftën kundër koronavirusit të ri dhe për të shmangur një përhapje të mundshme, pas njoftimit të dy rasteve të para në Itali tek një çift turistësh kinezë.

Gjendja e emergjencës është shpallur shpesh në gadishull, pas tërmeteve, stuhive dhe së fundi nga përmbytjet në Venecia, sepse ajo parashikon një procedurë të përshpejtuar për mobilizimin e fondeve dhe të mjeteve për mbrojtjen civile për vendosjen e strukturave të pritjes.

Shpallja e gjendjes së emergjencës nuk është një e papritur pas njoftimit dje në mbrëmje nga qeveria e Giuseppe Contes të dy rasteve të para të koronavirusit në vend dhe të ndërprerjes të të gjitha fluturimeve nga dhe drejt Kinës.

“Procedura e gjendjes së emergjencës është parashikuar për gjashtë muaj”, sipas medias italiane./ATSH/

Kjo web faqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.

Të gjitha të drejtat e rezervuara nga A.P.L. KosovaPress - COPYRIGHT
2002-2019

Shpërndaje

Artikuj të sponzorizuar