Follow Us

*KYQU SHQIP ENGLISH
E Enjte, 02.04.2020 05:45

​Ja pse nuk mund të flemë kur jemi shumë të lodhur

Prishtinë | 02/02/2020 18:01

Kur shkoni në shtrat ka një problem - nuk mund të bini në gjumë.

Mjekët që merren me problemet e gjumit na kujtojnë se ekziston një ndryshim i rëndësishëm midis asaj kur ndiheni të lodhur dhe të përgjumur, gjë që është e rëndësishme ta dini.

"Ju sigurisht që mund të ndieni lodhje dhe përgjumje, por këta terma shpesh janë të përzierë," thotë eksperti i gjumit, Shelby Harris.

Përgjumja është e lehtë për t’u përballuar

"Përgjumja nuk ka të bëjë me ndjenjën e një rënie të përgjithshme të energjisë në trup," thotë Harris, duke shtuar, "por për ndjenjën kur thjesht na duhet gjumi, kështu që do të ndjehemi më mirë menjëherë nëse flemë pak."

"Por nëse nuk jemi të lodhur, gjumi nuk vjen lehtë, pasi trupi, mendja dhe psikika po përpiqen të punojnë me energjinë që kemi dhe nuk mund të futemi në letargji," shpjegon mjeku.

Lodhja, nga ana tjetër, thotë Harris, ndjehet sikur po mbajmë një ngarkesë të rëndë dhe nuk kemi energji për ta bërë këtë, transmeton KosovaPress.

Lodhja dhe pagjumësia shpesh shkojnë së bashku

Ekziston një rreth vicioz që vjen me ndjenjën e lodhjes së madhe, kur jemi aq të lodhur sa nuk mund të flemë, kështu që "ngecim" në modelin e rraskapitjes së plotë.

"Shumë njerëz që vuajnë nga pagjumësia, nëse nuk shkaktohen nga probleme të tjera mjekësore ose psikiatrike, ndjehen të lodhur, por jo të përgjumur. Edhe kur janë duke luftuar, nuk mund të bien lehtë në gjumë," thotë mjeku.

Përgjumja zakonisht tregon një problem specifik

Shpesh e dimë se jemi të përgjumur, pasi për dy javë rresht, mbetemi zgjuar deri në ora dy të mëngjesit.

Sidoqoftë, nëse ndjehemi të përgjumur edhe përkundër gjumit të vazhdueshëm, Harris sugjeron të flasim me mjekun për atë që mund të ndikojë në cilësinë e gjumit.

Lodhja është më e vështirë të përcaktohet

Nëse ndiheni të lodhur dhe keni mungesë energjie për një kohë të gjatë, Harris sugjeron të punoni në rutinën tuaj të mbrëmjes duke eliminuar të gjitha shkaqet e ndërprerjes së gjumit.

Sigurohuni që ta ulni stresin në nivelin më të ulët të mundshëm, shkoni të flini çdo natë në të njëjtën kohë dhe kufizoni konsumimin e ushqimeve të rënda tri orë para gjumit.

Aktiviteti fizik ose ecja mund t’ju ndihmojnë gjithashtu.

Loading...
 

Shpërndaje


Artikuj të sponzorizuar

Më shumë nga KosovaPress