Follow Us

*KYQU SHQIP ENGLISH
E Mërkurë, 23.09.2020 05:24

​Vlorë, sekuestrohen 500 mijë euro pasuri

Prishtinë | 06/12/2019 09:45

Janë sekuestruar disa pasuri me vlerë rreth 500 000 euro, që dyshohen se janë përfituar nga veprimtaria kriminale e pastrimit të parave.

Ngjarja ka ndodhur në Vlorë dhe këto sekuestrime pasurore janë në kuadër të procedimit penal proaktiv të vitit 2014, ndaj L. B., si person i dyshuar për kryerjen e veprës penale “Pastrimi i produkteve të veprës penale ose veprimtarisë kriminale”.

I njëjti ka qenë i dënuar në Itali për veprën penale "Trafikim narkotikësh" dhe dyshohet se këto pasuri i ka ngritur mbi bazën e këtyre veprimtarive të paligjshme.

Të dyshuarit i janë sekuestruar dy apartamente banimi në Vlorë dhe Orikum, një pemishte në Radhimë, dy automjete dhe dy llogari bankare. Vlera financiare e këtyre pasurive kap shifrën rreth 500 000 euro.

Veprimet e tjera procedurale vijojnë nga Prokuroria pranë Gjykatës së Shkallës së Parë Vlorë.

Loading...
 

Shpërndaje


Artikuj të sponzorizuar

Më shumë nga KosovaPress