Follow Us

*KYQU SHQIP ENGLISH
E Mërkurë, 15.07.2020 07:31

​Karateisti i ri, Dren Ibrahimi, një fitore larg medaljes së bronztë evropiane

Prishtinë | 07/02/2020 15:56

Karateisti i ri, Dren Ibrahimi, është një fitore larg medaljes së bronztë në kampionatin evropian të kadetëve, juniorëve dhe U-21, që sot ka nisur në Budapest të Hungarisë.

Ibrahimi shkëlqeu në grupmoshën e kadetëve, kategoria -57 kilogramë. Ai shënoi tri fitore me rezultat bindës, për t’u ndalur në gjysmëfinale.

Në luftën e parë mposhti 7:0 David Costache të Rumanisë, në të dytën mundi 5:3 Franciso Silvan e Portugalisë, në çerekfinale shënoi fitore bindëse 9:0 ndaj sllovenit, Kenan Isakoviq, ndërsa në gjysmëfinale humbi nga Farid Savadov i Azerbajxhanit, edhe pse rezultati ishte 3:3.

Ibrahimi tani pret fituesin që do të dalë nga repesazhi, për të luftuar për medaljen e bronztë. Sot janë duke u zhvilluar garat për kadetë.

Garuesit tjerë patën paraqitje solide. Fatjon Bajrami (-63 kg) shënoi një fitore dhe u ndalë në të dytën, ndërsa në luftën e parë u mposhtën Sefer Bajrami (-70 kg) e Kujtim Thaçi (-52 kg).

Federata e Karatesë e Kosovës po merr pjesë në evropian me 29 garues.

Loading...
 
 

Shpërndaje


Artikuj të sponzorizuar

Më shumë nga KosovaPress