Follow Us

*KYQU SHQIP ENGLISH
E Enjte, 09.04.2020 05:57

​Peja fiton derbin, Rahoveci barazohet me pikë me Prishtinën në krye të tabelës

Prishtinë | 19/01/2020 20:52

Në një ndeshje të jashtëzakonshme, Peja ka mposhtu Sigal Prishtinën me rezultat 82:76 (22:7, 29:25, 19:27, 12:17), në super-derbin e javës 21 të Superligës së Kosovës në basketboll.

Takimi është zhvilluar në një atmosferë të jashtëzakonshme, me ‘Karagaçin’ e stërmbushur me tifozë.

Vendasit të motivuar nga tifozët, e nisin për mrekulli ndeshjen, duke dominuar në çerekun e parë, që e fitojnë 22:7.

Megjithatë, në periodën e dytë zhvillohet një lojë më e baraspeshuar, por ‘verdh-e-zinjtë’ sërish e fitojnë 29:25, duke shkuar në pushim me rezultat 51:32.

Në periodën e tretë rikthehen fuqishëm ‘bardh-e-kaltrit’, duke afruar shifrat në 59:52, derisa rezultati në semafor pas 30 minutash tregonte shifrat 70:59 për vendasit.

Mysafirët në 10 minutat e fundit arrijnë të afrojnë edhe më shumë rezultatin, duke e bërë ndeshjen edhe më dramatike.

Dy minuta pa përfunduar sfida, Prishtina ngushton epërsinë në 76:73, por Peja arriti të ruajë epërsinë e krijuar dhe në fund triumfoi 82:76.

Dardan Berisha ishte më i miri te Peja me 26 pikë, tri kërcime dhe katër asistime, derisa u ndihmua nga Drilon Hajrizi me 15 pikë e 13 kërcime, kurse te Sigal Prishtina më së shumti pikë shënuan Jordan Johnson 26 dhe Anthony Goods 22.

Peja tani ka 10 fitore dhe tetë humbje, kurse Sigal Prishtina 14 fitore dhe pesë humbje, aq sa ka edhe Rahoveci.

Në tabelë prijnë Prishtinë dhe Rahoveci me nga 33 pikë.


Loading...
 

Shpërndaje


Artikuj të sponzorizuar

Më shumë nga KosovaPress